Hooygan ama ardaagan waxa loogu talagalay
BAAFINTA,
URURINTA,
KAYDKA iyo
BANDHIGGA
Suugaanta Somaliland. Suugaantaas oo kala ah kuna koobnayn, Gabayo, Heeso, Buraanbur, Geeraar iyo qaybaha kale eey u kala baxdo dhammaanteed. Hadaba, qofkii haya gabayo ama heeso ama suugaan kale oon hooygan ku jirin , waxaanu idinka codsanyna inaad noo soo gudbiyaan si aanu ula wadaagno dadweynaha reer Somaliland meelkasta ooy joogaan si ay ugu raaxaystaan uguna faanaan dhaqankooda qotada dheer. Waxa kaloonu ugu talagalnay hooygan reeeraha faraha badan ee qurbaha jooga si caruurtooda ay dhaqankooda u baraan ugana dhaadhiciyaan, qolooyinka soo koraya oon rajaynayno inay afafka qalaad u turjumi doonaan suugaanta Somaliland si adduunyada oo dhammi inoola wadaagto. Waxa kaloonu idinka codsanaynaa ruuuxi haya taariikhaha Abwaaniinta iyo fanaaniintaba inay noo soo gudbiyaan si aanu u xusno una aqoonsano qiimaha iyo qaayaha ay mudanyihiin xagga ereybixinta, qurxaynta, codaynta, dananinta iyo balaadhinta ama kordhinta afka Somaliga.
|
| Ilwaad Quruxeey |
 |
Heestan midhaheeda waxa sameeyay abwaan Saxrdiid Maxamad Cilmi
, magaceeda waxa la yidhaa Ilwaad Quruxeey, waxa ku wada qaadi jiray Ilaahya haw naxariistee fanaankii weynaa Axmad Muxumad Good [Shimbir]
iyo fanaanada weyn ee caanka ah Xaliimo Khaliif Magool
. Heestu waa tan:
Baydka Koobaad Shimbir
Agagaarka wadnaha
Hadaanad ku ool
Aroor walba Kumaan
amaaneeneey
Asluub badaneey
Amaan badaneey
Sidii ubaxii
Udgoon badaneey
Waxaan Idileey
Ku oon bixi laa
Anigoo dileey
Aroos kula gala
Adoo ooridayda Noqdoo
ubada dhala
Ilwaad quruxeey
Ilwaad quruxeey
Magool
Oohinta idhahaygii
Aan baranin
Adigay aawadaa
Ilmeeyaaneey
Asluub badanoow
Amaan badanoow
Sidii ubaxii
Udgoon badanoow
Waxaan Aabiyow
Ku oon bixi laa
Adoo Aabiyow
Aroos ila gala
Anigoo ooridayda
Noqdoo ubad dhala
Ilwaad quruxoow
Ilwaad quruxoow
Baydka Labbaad Shimbir
Intaan uumanaa
Aabidkay idilkii
Adoo kale aadmi
Kuma aradeey
Asluub badaneey
Amaan badaneey
Sidii ubaxii
Udgoon badaneey
Waxaan Idileey
Ku oon bixi laa
Anigoo idileey
Aroos kula gala
Adoo ooridayda
Noqdoo ubada dhala
Ilwaad quruxeey
Ilwaad quruxeey
|
Suugaanta Somaliland
http://shunuuf.tripod.com
|
|
|
| |
|
|
Ku noqo Suugaanta Saxardiid
|
|
